Ciidamada Booliska JSL ee Saldhiga Sheekh Nuur ayaa gacanta ku soo dhigay Eedaysanta Hoodo Cabdi Cali Ina Raaxo Xuseen 28jir oo ku eedaysan inay 26-1-2024 kii xilli Habeenimo ah waxyeello u gaystay Dhibane Caydaruus Cali , waxaanna falkaasi ku wehelinaayay Saddex dumar oo kale oo Ciidanku ku raad-joogo. Kuwaasi intay Dhibanaha Guri ku balamiyeen nabaro u gaystay , muuqaalna ka duubay iyagoo baraha bulshada ku faafiyay .
Hawlgallo iyo baadhid dheeriya oo Ciidanka Saldhigaasi sameeyay waxa uu kusoo qabtay Hal eedaysane , halka Saddexda kale Ciidanku ku raad-joogo. waxaanu dhammaantood degdeg u horgeyn doonaa sharciga.
Taliska Ciidanka Boolisku, wax uu bulshada uga digayaa falalka noocaasa ah ee diinta , dhaqanka iyo anshaxa suubban baal-marsan .
Xafiiska Warbaahinta Ciidanka Booliska JSL.