Maxkamadda Sare ee Somaliland waxa ka qabsoomay kulan muhiim ah oo ay iskugu yimaaddeen Bahda Cadaaladda . Kulankan waxaa guddoominayey Guddoomiyaha Maxkamadda Sare Aadan Xaaji Cali, waxaana ka qayb galay Guddoomiye-ku-xigeenka Maxkamadda Sare Maxamed Cumar Geelle, Wasiirka Wasaaradda Cadaaladda Yoonis Axmed Yoonis, Xeer-ilaaliyaha Guud ee Qaranka Cabdiraxmaan Jaamac Hayaan, iyo Agaasimaha guud ee wasaaradda Cadaaladda Maxamed Cabdi Xaashi.
Kulanka ayaa diiradda lagu saaray sidii loo xaqiijin lahaa qabsoomidda labada shir ee mudada u qorshaysnaa bahda cadaaladda, kuwaasi oo kala ah Shirka Cadaaladda iyo Shirka Garsoorka. Dhinacyadu waxay ku heshiiyeen in labada shir lagu qabto wakhtiyadii loo asteeyay islamarkaana si wadajir ah looga qayb galo.
Shirka guud ee Cadaaladda waxa uu furmi doonaa 2-da December 2025, halka shirka Garsoorka waxa uu qabsoomi doonaa 26-ka January 2026.
Sidoo kale, madaxda bahda cadaaladdu waxay u mahadceliyeen Madaxweynaha Jamhuuriyadda Somaliland, Cabdiraxmaan Maxamed Cabdillaahi iyo Shir Gudoonka Baarlamaanka oo door muhiim ah ka qaatay xalinta khilaafkii hore u jiray,