Hargaysa ( Ceelgardinews.com ) siyaasi Cali Guray ayaa ka hadlay ku biirriaanka Siyaasi C/laahi Ismaacil Cali(Ciro)uu ku biiray xisbiga Mucaaradka ah ee Wadani,waxaanu Cali Guray Qoraal kooban oo uu soo dhigay Bartiisa xidhiiidhka Bulshada uu ku sheegay in aanu wax taageero oo noocaas ah aanu la tagayn xisbigaas waxaanu udhignaa sidan:
MUUSE BIIXI CABDI NIN JECEL IYO NIN NECEBBA TAAGEERADA REERKIISA WUU HAYSTAA
Saaxiibkay Cabdillahi Cirro go’aankiisa shakhsiga ah waan ixtiraamayaa oo kuwo raarka Cabdiraxmaan Cirro ka soo jeeda oo Muuse raacsaniba way jiraan. Laakiin taageeradii codbixiyaha ee Muuse uma arko inay saamayn ku yeelan karto waxan ujeedaa talo xataa ardagiisa ugu hooseeyana ku raacsan yahay maaha codkoodina halkii uu ahaa ayuun buu yahay ilaa inta anigu aan ogahay. Cabdicaziiz Samaale iyo Maxamed Biixi Yoonis ragii hanka lahaa ee Muuse la tartamayay ayay ahaayeen midna Cabdiraxmaan Cirro ayuu raacay midna Muuse Biixi buu raacay. Hadii ay beri reerkooda cod u soo wada doontaan midba wuxu ka heli doona inta taladiisa maanta ku raacda. Ragga siyaasiyiinta ah ee kalena waa sidaasi markaa ragga reerka Muuse Biixi ka soo jeeda ee waddani tegay nin ardaagiisii ku qanciyay reerkiisa ka taga Muuse oo igu raaca Cirro ma jiro inta aan ogahay waanay kala cadaan doontaa waayo ilaa hadda saamaynta ugu wayn doorashooyinka Somaliland waxa leh qabyaaladda hadii aan sax ah loo loolamin .