Wasiirka arrimaha Gudaha iyo Amniga Somaliland, Mudane Cabdalle Maxamed Carab, oo ay weheliyaan wasiirada Dhalinyarada iyo Ciyaaraha iyo Gaashaandhiga, ayaa maanta guddoomiyay shirka Amniga Gobolka Selel.
Gudoomiyaha Gobolka Selel iyo Duqa Magaalada Saylac ayaa warbixin ka bixiyay xaaladda amniga, iyagoo sheegay in amniga guud ee gobolka iyo Saylac uu wanaagsan yahay, isla markaana laamaha amniga ay si hufan u adeegayaan bulshada.
Wasiirada ayaa si weyn ugu mahadceliyay shaqada laamaha amniga iyo sida ay uga shaqeeyaan ilaalinta amniga bulshada.
Shirkan waxaa sidoo kale goob joog ka ahaa taliye ku xigeenka 2-aad ee ciidanka Booliska Somaliland iyo masuuliyiin kale oo ka mid ah weftiga wasiirada.