Guud ahaan marka hanti umaddi leedahay la wareejinayo laguna wareejinayo sifo sharciga waafaqsan oo ah heshiis caalami ah waxaa shardi u ah sida uu qeexayo xeerka caalamiga ahi (International law) dhowr arimood oo kala ah
1. In uu yahay Sharci waaqafsanna xeerarka caalamiga ah iyo kay labada dal ee heshiiska waada galayaan leeyihiin oo ah dastuurkooda.
2. Inaanu ka hor imaneyn masaalixda dalalka wada galaya heshiishka kana madaxbanaan yahay wax khatar ku ah xasiloonida iyo wada jirka ummada dalalkaas.
3.Inuu yahay mid ay ku qancaan dhamaan muwaadiniinta dalka heshiiska galaya una arkaan mid horumar u keeni kara dalka.
Intaas marka aan ka imaado dhaliilaha uu leeyahay heshiishakan iyo galdaloolada ka muuqda waxaa kamid ah kuwan
1. kow inaanu haysan ogonolaansho baarlaman talana aan laga galin sida uu sheegayo qodobka 53 aad ee distoorka firqadiisa 3aad oo leh: Golaha Wakiiladu waxa uu awood u leeyahay ansixinta heshiisyada dawliga ah ee ay ka mid yihiin kuwa siyaasadeed, dhaqaale iyo nabadgelyo, maalgashi ama kuwa keenaya culays maaliyadeed oo cusub oo aan ku soo aroorin miisaaniyadda, ama keenaya soosaarid ama wax-ka beddelid qaanuun.
2.In aanu goob joog aheyn gudoomiyaha guddida ilaalinta hantida qaranka ee barlamaanka Somaliland markii uu heshiisku dhacayey, waayo isagu maaha wasiir uu madaxweyne doortay lkn waa masuul ka wakiil ah umadda somaliland oo dhan una dhaarsan huwanna codkoodii iyo caqligoodi.
3. Inaanu joogin goobta Garyaqaanka guud ee qaranka kaas oo fasiraad sharci saari lahaa khaladaadka ku jira heshiiska halisna ku ah danta dalka iyo dadka maadama oo ishii dhaqaalaha waddanka cid kale gacanta loo galinayo. Waxaana mihiim ah in ay jiraan dad aqoon sharci leh oo hufnaan iyo haadin ku sameeya waxa la wada galayo ama lagu heshiinayo. Heshiiskii Anwar sadad uu la galay Israel 1979 Camp David khalad ugu weyn ee uu galay waxay aheyd inuu israel siiyo mudnaanta ah iney yihiin dawlad miisan ku leh beriga dhexe masarna ay u ictiraafsan tahay dal la awood ah khaladkaasna ubucdiisu waxay aheyd inaan dhanka masar ayna ka socon khubaro sharci ila iyo maantana wataa haddimadi uu galiyey haysta
4.Inaaney dawaladani laheyn awood caalami ah oo ay ku dacweyn karto shirkadda dubai ee maalgashiga sameynaysa haddii ay ku xadgudubto heshiiska qodobo kamid ah oo aney dawladu la tiigsan karin maxkamada caalami ah.
5. Inaan la cadeynin lacagta 15 malyan ah ee xaqul qalimka meesha lagu riday, cidda haysta, iyo cidda soo qaaday, iyadoo qasab ay tahay inu si cad loogu bayaamiyo umadda waxa loogu tallo galayo.
 |
6. In Madaxweynuhu Umadda kala hadlo meel fagaare ah una bayaamiyo awooda uu ku galay heshiiska iyo aduunku ka soo qaaday sida dalka wax loogu qabanayo isagoo kheyrada ay tahay inuu dadka ka qanciyo
7. In hantida intaas leegi durtaba gashay gacmo dad gaar ahi leeyihiin iyadoo shan qof ku heshiiyeen ku maxaabsiga magaca umadda iyo maaliyadooda.
kuwii dalkan u lugo, indho iyo dhago beelay caruurtoodi ayaa gaajo iyo balan bal ugu dhex jooga, biyihii roobka ayaa badda galaya oo biyo xidheen lama laha roobkii dalka ka da,ay biyihiisa sanad danbe ayuu dalka wax u tari lahaa. bal waynu eegi 15ka malyan meeshay maraan iyadoo halkii malyan ee Somalia keentay gacmo gaar ahi kala qeybsadeen. lasoco qeybta danbe