Oof wareenka Somcable lala damacsanyahay, waa arami hor leh oo sharciyaddii dalkana adhax wareemaysa!

0
446

Berbera (Ceelgardinews.com)

Xukuumaddii Madaxweyne Rayaale ayaa markii u horaysay ugu dhufatay saxeexa, si rasmi ahna u gudoonsatay in shirkadda Somcable ay qaadatay qandaraaska Cable ka internetka.

Waxa waaga jiray garab kale oo kula loollamayey Somcable qaadashada qandaraaska Cable ka. Haddii ba ay Xukuumaddii Rayaale go’aansatay shirkadda ay u garatay ee ay ugu duugtay qalinka, ayaa waxa dalkii Soomaaliland ka dhcay doorashooyin xor ah, waxaana meeshii ka baxay xukuumaddii siisay Somcable qandaraaska Cable ka.

Xukuumaddii cusbayd ee uu gadhwaddeenka ka ahaa Madaxweyne Siilaanyo, oo dabbaqaysa isla markaana meel marinaysa go’aanada ay dawladdii hore ku gaadhay arrinta Cable ka, wax ay ka bedeshay haba yaraatee may jirin, taa bedelkeedana, waxa Madaxweyne Siilaanyo u gudbiyey arrinta qandaraaska Cable Golihii Sharci Dejinta dalka.

Go’aanadii ay qaateen labadii xukuumadood, waxa ay Golihii Barlamaanku ku kabbeen sharciyad dhammaystiran oo ay ku soo afjareen arrintaas. Waxa ayna Soomaaliland guddoonsatay in Qandaraaska Cable ka kooto loo siiyo Ganacsade Maxamed Aw Siciid shirkaddiisa muddo dhan 25 sannadood. Sidaa ayaa ay shirkaddii Somcable ku bilawday shaqadeedii, waxa ay soo kordhisay shaqo abuur hor leh, Somcable oo khadka Cable ka Internetka ah ka soo jiidaysa dalka jaarka aynu nahay ee Jabuuti, waxa ay samaysay maalgelin tii abid ugu ballaadhnayd ee Soomaaliland shirkadi ku maalgaliso.

Malaayiin iyo Malaayiin doollar baana shirkaddii Somcable ay galisay muddadii ay ku guda jirtay dhammaystirka Qandaraaskii ay ki qaadatay Cable ka Internet ka ah ee badda hoos marra. Sifo sharci oo waafaqsan dhammaan shuruucda dalka Soomaaliland ka jirana way u martay kuna heshay Qandaraaska, waxa taasi ay keentay shaqo socotay lix sannadood, xadhkaha ay ka soo jiiday Dalkaa Jabuuti, waxa ay dhammaan hoos marisay dhulka, waxaana u socda sannadkii lixaad oo gebogebo ah.

Shirkadda Somcable, oo mulkiilaheedu dalkiisii hooyobu huray malgeshiga baaxaddaa leh, waxa ay astaan iyo billad dahab ah u tahay Maxamed Aw Siciid Geedi, oo aanu jirin ganacsade soo raacaa oo sidiisa ka yeelay dalka.

Haddaba ka bulsho ahaan, waxaasoo xaqiiq ah, inaka oo arkayna, markhaatina ka ah, miyeyna waajib inna saaran ahayn in aynu ka garawno kii hayntiisii u huray dalka hooyo oo aynu ugu yaraan ugu hiilino erayga ka garaabista ah ee wixii uu dalka u qabtayna ah?

Taa haddii laga yimaado, waxa dhawaanahan soo bax baxaya, arrin taabanaysa dareenka muwaadinka si caafimaad qaba u fikiraya. Dalku waa inaga dhexeeyaa, balse ganacsatada dalku ma laha masayrka ay ku samayn karayaan waxii ay doonaan.

Aan ku soo dhawaado dulucda qoraalkayga. Wixii sifo sharciya ku yimaadaa, haddii shircinimadiisa la dhawri waayo, oo danaysiga bahalnimada ahina raadeeyo isla sharciyaddii shalay u ogolaatay in hal shirkadi ay qandaraas ku heshay hawshii Cableka Internetka, waxaa qasab noqonaysa in ka bulsho ahaan farta aynu ku fiiqno cidda dhiigmiiradka ah isla jeerkaana damaceeda waalani ka baratan dheereeyey dalkii iyo dadkii.

Shaki kumajiro, sida hantidii ummadu lahayn ay ugu keefaan shirkadaha Isgaadhsiintu. Hanti uu Alle bixiyo caafimaadkaa u mudan,Taawarada meel walba ka taagan, waynu haynaa natiijada ay dhaleen. Waynu ognahay dhibka caafimaad ee lagu qabo. Ka sokow dhibka caafimaad, waa aynu ujeedna sida ay u bilic dileen ee xadhkahoodu meel walba uga laalaadaan. Ka bulsho ahaan, waxa aynu ognahay nidaamka ay soo kordhiyeen ee lambaro lacag lagu sheegay oo aan damaanad lahayni uga hirgaliyeen dalkii. Kuwa waxaasoo dhiigmiiradnimo ah dalkii ugu afduubanyahay, waxa maantana lagu eedaybayaa oof wareenka ay ku hayaan ciddi maalgashatay dalka ee malaayiin doollar u huray.

LEAVE A REPLY

Please enter your comment!
Please enter your name here