Tobabarkii Indho-furka kadib Guulaysteyaashii Goboladda Awdal iyo Togdheer oo lagu Wareejiyey Wasaaradaha/Hay’adaha Dawladda
-Tobabar, waydiimo iyo warcelin kadib, waxaa si habsami ah u soo dhammaaday qorshaynta iyo qaybinta Guulaysteyaashii dhawaan kasoo dhex mudhay tartamadii dalka ka qabsoomay qaybtoodii Gobollada Awdal iyo Togdheer
-Guulaysteyaasha ayaa lagu dardaaray horumarinta Gobolka iyo guud ahaan-ba Qaranka waxaana loo ballamay shaqo hufan iyo adeeg qof walba oo muwaadin ahi halkiisa ku helo.
-Adeeg bixinta ayaa qayb-weyn ka ah ujeedooyinka Dawladnimada shacabku u samaystaan waxaanay mudnaan weyn kaga jirtaa waajibaadka laga filayo in Shaqaalaha Dawladdu u gutaan si xirfad iyo xawli badan iyada oo dhanka kalena tiir weyn ka ah yoolka sannadkan 2019 Hay’adda Shaqaalaha Dawladdu leedahay.
