CIIDAMADA BOOLISKA GOBOLKA SAAXIL OO SOO QABQABTAY GAADIID IYO RAG KU HAWLANAA DIB UBILAWGA DHISMIHII DEKEDA MACMALKA AHEYD EE CEEL GARDI HORENA SHAQAAQADU UGA DHALATAY

0
330

 

Berbera (Ceelgardinews.com) Ciidamada Booliska Berbera oo fulinaya amarka gudoomiyaha Gobolka Saaxil Jaamac Yuusuf Axmed ayaa shalay galinkii danbe kasoo qabqabtay Deegaanka Ceel Gardi koox kasoo jeeda Deeganka Bariga burco oo ku hawlanayd dib ubilawga dhismaha Dekeda macmalka aheyd ee shaqaaqada baahsani ka dhalatay horena  Xukumada Somaliland usheegtay in dhismaha dekedaasi yahay sharcidaro cid dhisi kartaana aanay jiri doonin wixii dhisme Dekedeed la xidhiidhana ay Xukumadu uun dhisi karto masuuliyadeedana Qaranku leeyahay.

Waxaana la sheegay inay Saldhiga dhexe ee Berbera hada ku xidhan yihiin Rag  aan tiradooda la xaqiijin inta ay yihiin iyo laba baabuur oo iskarogooyin ah iyo Hal Cagaf oo ku hawlanaa dib ubilawga dhismaha Dekedaasi macmalka ah ee dhibaatooyinka horena ka dhasheen, waxaana la sheegay soo qabashada kooxdan iyo gaadiidka ay wateen inuu siweyn uga hawl galay taliyaha Cusub ee Qeybta Booliska Berbera ninka lagu magacaabo Mursal oo dhawaan xilkaas taliyenimo loo soo magacaabay.

Ilaa hada wax wara kamay soo saarin arintan Gudoomiyaha Gobolka Saaxil iyo Taliska Booliska Berbera toona waxse la xaqiijiyay in arinkaasi jiro oo nimankaasi gaadiidkaa watay iyo kuwa dhismaha Dekedaas macmalka ah ku hawlanaaba Ku xidhan yihiin Saldhiga dhexe ee Berbera shaqadii meeshaas sida qarsoodiga ah looga bilaabi lahaana la joojiyay gabi ahaanba Ciidan Boolis iyo milatari isugu jirana Gudoomiyaha Gobolka Saaxil amaray in la geeyo giibtaas oo ay dagaan si aan dhaqdhaqaaq danbe uga soo noqonin.

Ceel-Garde1-258x193Ceel-Garde1-258x193

LEAVE A REPLY

Please enter your comment!
Please enter your name here