Mareeyahii Wakaalada Biyaha Berbera Oo Xilkii Laga Qaaday+ Masuul Ka Tirsan Xisbiga Kulmiye Loo Soo Magacaabay Wakaalada Biyaha Berbera

0
258

Berbera(Ceelgardinews.com)-Masuulkan xilka Laga qaaday oo ah Maareyihii Wakaalada Biyaha Berbera Cabdiraxmaan Cartan Geedi ayaa waxa xilkii ka qaaday Wasiirka Wasaarada Khayraadka Biyaha Baashe Cali Jamac waxaana loo soo magacaabay Xilkaas Maareyaha Wakaalada Biyaha Berbera Keyd Cabdillahi Xandulle oo hore u ahaan jiray Maamulihii Shirkada dahabshiil ee Berbera sidoo kalena kamid ahaa Musharixiintii utartantay kamid noqoshada xubnaha golaha deegaanka Berbera balse aan soo bixin oo hadhay isaga oo ka sharaxanaa Xisbiga kulmiye, Masuulka Xilka loo soo magacaabay ayaa sanadkii udanbeeyay aan wax shaqo ah haynin oo kamida aha shacabka reer Berbera kadib markii uu katagay shaqadii Shirkada Dahabshiil ee uu masuulka ka ahaa.

Keyd Cabdillahi

Maareyaha Xilka Laga Qaaday Cabdiraxmaan Cartan Geedi oo ahaa Masuul hawl kara ayaa mudo 11 sanadooda Maamulka Wakaalada Biyaha Berbera maamulaayay ayaa waxa uu ahaa masulkii ugu mudada dheeraa Masuuliyiinta Haayadaha dawlada ee Gobolka Saaxil ama Magaalada Berbera isaga oo la soo shaqeeyay dawlada Udub Mudo shan sanadood halka uu Xukumada Madaxweyne Siilanyana la shaqeynaayay m,udo lix sanadooda taas oo ka dhigaysa inuu Maareyaha wakaalada Biyaha Berbera ahaa 11 sanadood oo xidhiidha.

Maareyaha Cusub ee lasoo magacaabay Keyd Cabdillahi Xandulle oo hada Berbera kusugan ayaa cadeeyay in Xilkaas loo soo magacaabay Maareyihii Horena Xilka Laga Qaaday.

Sidoo kale waxa mudo hada laga joogo sadex bilood isna xilkii laga qaaday Maareye Kuxigeenkii Wakaalada Biyaha Berbera Cabdi Cige iyada oo xilkaasna loo soo magacaabay Maxamed Kaariye Muuse oo hada xilkaas haya waxaana sadex bilood gudohood xilkii laga waday qaaday Maareyihii wakaalada biyaha iyoi Kuxigeenkiisii waxaana la filayaa inay Maamulka cusub ee wakaalada loosoo magacaabay isla jaanqaadi doonaan maadama oo labaduba cusub yihiin.

LEAVE A REPLY

Please enter your comment!
Please enter your name here