Ciidamada Booliiska Magaalada Hargeysa Ayaa Goordhaweyd Xabsiga u Taxaabey Afhayeenkii ururka Dhalinyarada Muwaafaqo ee Beesha Gobolka Saaxil Aqoonyahan Nuuradiin Ilkacase, sida ay Goob joogayaal la soo xidhiidhay shabakada Mandheera ay u xaqiijiyeen.
Abaaro 10:30 habeenimo ee caawa ayaa Ciidamada Booliiska Magaalada Hargeysa Ay Masuulkan ka Xidheen Maqaaxi ku Taal Agagaarka Masjidka Ali Mataan oo uu Masuulkani ka Shaaheynayey, ilaa hadana lamo garanaayo sababta dhabta ah ee ka dambeysay Xadhiga Afhayeenka Ururka Muwaafiqo, balse ilo wareedyo Madaxbanaan ayaa Tibaaxey in Xadhiga Masuulkan laga soo amrey Aqalka Madaxtooyada oo sida la sheegay ka Cadhooday Dood Maalintii Shaley aheyd ka dhacdey Hotel Kaah oo lagu lafo gurayey Heshiiska Maalgalinta Dekadda Berbera, islamarkaasina uu Masuulkani kamid ahaa dadkii ka Biyo diidey Heshiiskaasi dhaxal wareejinta ah ee Dekadda Berbera.
Si kastaba ha ahateen Xadhiga Masuulkan ayaa ku soo beegamaya Xili Xukuumada Madaxweyne Silaanyo ay ku socdaan Dhaqdhaqaaqyo Xoogan oo lagaga soo horjeedo Heshiiska dhaxal wareejinta Dekadda Berbera, kuwaasi oo ka socda Dalka.
XIGASHO MANDHEERANEWS.COM