Garoowe (Ceelgardinews.com)Madaxweynaha Puntland, C/weli Maxamed Cali Gaas ayaa Maanta xarunta Madaxtooyada Puntland ee Garoowe Tabbabar ugu soo xiray cutubyo ka tirsan ilaalada madaxtooyada oo muddo dhawr bilood ah Tababbarro ku soo kala qaatay Magaalooyinka Garoowe iyo Boosaaso.
Xafladda tababbarka loogu soo xiray ciidamadan, ayaa waxaa ka qayb-galay taliyaha guud ee ciidanka daraawiishta Puntland, Jeneraal Siciid Maxamed Xirsi (Siciid Dheere), taliyaha ciidanka ilaalada madaxtooyada, Col. C/rashiid Maxamuud Ashkir (Qodhob), Saraakiil sar-sare iyo Madaxweynaha Puntland.
C/weli Gaas ayaa ugu horreyn ciidanka la hadalay ku amaanay saraakiisha ciidamada Da-daalkii ay u galeen tayaynta iyo qalabaynta ciidamadda Puntland, isagoo intaas ku daray in Ciidanka ilaalada Madaxtooyada Shaqadoodu aysan ku koobnayn ilaalinta Madaxtooyada oo keliya balse qayb ka qaataan hawl-gallada deg-deg ah.
Ugu dambeyntii, Madaxweynaha Puntland, C/weli Gaas ayaa ciidamada tababbarka loosoo xiray kula dar-daarmay in looga baahan yahay in ay mar walba ka duwanaadaan ciidamada kale, maadama ay joogaan muraayaddii dalka oo ah halka laga qiimaynayo tayada ciidanka Puntland.
